Kryeministri në detyrë i Kosovës, Albin Kurti, shpalli fitore për Lëvizjen Vetëvendosje pas mbylljes së votimit në zgjedhjet e parakohshme parlamentare.
Duke folur për media, Kurti tha se pas certifikimit të rezultateve nga Komisioni Qendror i Zgjedhjeve duhet të konstituohet Kuvendi dhe të formohet qeveria e re. Ai u shpreh i gatshëm për bashkëpunim me opozitën në miratimin e disa marrëveshjeve ndërkombëtare dhe në procesin e zgjedhjes së presidentit të ardhshëm.
Sipas rezultateve paraprake, Vetëvendosje kryeson me rreth 50 për qind të votave, ndërsa rezultatet përfundimtare pritet të konfirmohen pas përfundimit të numërimit dhe certifikimit zyrtar.
Rreth autorit
