PEJË, 28 tetor — Policia e Kosovës ka arrestuar Albert Sylajn, të dyshuarin për vrasjen e Arlinda Zekajt në Vitomiricë të Pejës.
Sipas njoftimit të policisë, Sylaj u kap rreth orës 23:40 të së martës në Deçan, pas disa ditësh në kërkim. Ai dyshohet se vrau 49-vjeçaren më 25 tetor. Përgjegjësia penale do të përcaktohet nga drejtësia.
Zekaj kishte raportuar më herët dhunë dhe kërcënime. Sipas raportimeve për rastin, ajo ishte paraqitur sërish në polici pak orë para vrasjes.
Hetimet për vrasjen vazhdojnë. Autoritetet po shqyrtojnë gjithashtu mënyrën si u trajtuan denoncimet e saj.
Rreth autorit
