PRIZREN, 5 nëntor – Policia e Kosovës arrestoi 22 persona gjatë një operacioni kundër lojërave të paligjshme të fatit në rajonin e Prizrenit.
Aksioni u zhvillua të mërkurën, pas disa muajsh hetime. Policia kontrolloi 20 ambiente në Prizren, Suharekë dhe Dragash.
Gjatë kontrolleve u sekuestruan rreth 10 mijë euro, pajisje elektronike, katër armë zjarri dhe municion.
Nëntëmbëdhjetë të dyshuar u ndaluan për 48 orë. Tre të tjerë u liruan dhe do të hetohen në procedurë të rregullt.
Rasti po trajtohet nga autoritetet kompetente.
Rreth autorit
