PRISHTINË, 5 nëntor – Aktivistet që protestojnë pas vrasjes së Arlinda Zekajt u takuan sot me kryeprokurorin e shtetit, Zejnullah Gashi, dhe kërkuan hetim urgjent për veprimet e institucioneve.
Pas takimit, aktivistja Liridona Sijarina tha se do të vazhdojnë kërkesat derisa të sqarohen përgjegjësitë për mosveprimet që, sipas tyre, mund të kenë ndikuar në vrasjen e 49-vjeçares.
Çështja i është përcjellë edhe Këshillit Prokurorial të Kosovës.
Zekaj u vra në Pejë në fund të tetorit. Para vrasjes, ajo kishte denoncuar dhunë dhe kërcënime, sipas raportimeve për rastin.
Hetimi për përgjegjësitë institucionale vijon.
Rreth autorit
