PRISHTINË, 4 nëntor – Draft-raporti vjetor i Komisionit Evropian thotë se kriza e zgjatur institucionale ka penguar përparimin e reformave në Kosovë.
Dokumenti, të cilin e ka parë KOHA, vlerëson se mungesa e një Kuvendi funksional ka kufizuar punën për reformat, përfshirë ato të kërkuara në raportin e vitit të kaluar.
Drafti evidenton përparim të kufizuar në luftën kundër korrupsionit dhe mungesë të progresit të mjaftueshëm në sundimin e ligjit. Sipas raportit, shqetësime mbeten edhe në drejtësi dhe sektorin e energjisë.
Komisioni vëren po ashtu se nuk ka pasur përparim në dialogun me Serbinë, ndërsa vlerëson përputhjen e Kosovës me politikën e jashtme të Bashkimit Evropian.
Raporti përfundimtar pritet të miratohet më 5 nëntor, në kuadër të paketës vjetore të zgjerimit të Komisionit Evropian. Komisioni e ka njoftuar datën e publikimit.
Rreth autorit
