Jamarbër Malltezi, dhëndri i ish-kryeministrit Sali Berisha dhe i pandehur në çështjen “Partizani”, ka paraqitur një kërkesë të re në Gjykatën e Posaçme për shfuqizimin e masës së sigurisë “arrest në shtëpi”, në të cilën ndodhet që prej nëntorit 2023.
Kërkesa do të shqyrtohet të enjten në orën 11:00 nga një trupë gjykuese e kryesuar nga gjyqtarja Elsa Ulliri.
Më parë, kërkesa për liri e Malltezit është rrëzuar disa herë nga të gjitha shkallët e gjyqësorit.
