Ministri i Shtetit Taulant Balla njoftoi sot nga Strasburgu se Parlamenti Europian do të hapë këtë vit një zyrë në Tiranë, e para e këtij niveli në rajon.
Sipas Ballës, përzgjedhja e Tiranës është sinjal politik i qartë për afërsinë e anëtarësimit të Shqipërisë në BE. Zyra do të shërbejë si nyje bashkëpunimi dhe dialogu midis institucioneve evropiane dhe shqiptare.
“Hapja e kësaj zyre është një akt konkret i mbështetjes për Shqipërinë,” tha Balla, duke shtuar se objektivi është mbyllja e negociatave deri në vitin 2027 dhe anëtarësimi brenda kësaj dekade.
