Sot dhe nesër në Shkup mbahet takimi i liderëve të Bashkimit Evropian dhe Ballkanit Perëndimor, me fokus në zbatimin e Planit për Rritje me vlerë 6 miliardë euro.
Takimi nis në orën 09:30 me mbërritjen zyrtare të liderëve të rajonit, ndërsa në orën 10:00 hapet paneli i parë, ku do të flasin kryeministri i Maqedonisë së Veriut, Hristijan Mickoski, dhe komisionerja e BE-së për Zgjerimin, Marta Kos.
Plani për Rritje, i miratuar nga Komisioni Evropian në nëntor 2023, synon përshpejtimin e integrimit ekonomik dhe institucional të vendeve të Ballkanit në BE dhe përfshin reforma të thella dhe mbështetje financiare.
Maqedonia e Veriut përfiton 750 milionë euro nga ky plan, i cili bazohet në katër shtylla: integrim me tregun e BE-së, bashkëpunim rajonal, reforma themelore dhe asistencë financiare.
Rreth autorit
