Presidenti i SHBA, Donald Trump, deklaroi se Izraeli ka pranuar kushtet për një armëpushim 60-ditor në Gaza. Propozimi u hartua nga Katari dhe Egjipti dhe ka mbështetjen e plotë të SHBA.
Trump theksoi se gjatë armëpushimit do të lirohen pengje izraelite në këmbim të të burgosurve palestinezë. “Shpresoj që Hamasi ta pranojë – nuk do të përmirësohet, vetëm do të përkeqësohet,” shkroi Trump.
Plani u finalizua me ndërmjetësimin e të dërguarit të Trump, Steve Witkoff. Hamasi pritet të japë përgjigjen brenda pak ditësh.
