Kryetari i Partisë Demokratike, Sali Berisha, tha sot në Asamblenë Parlamentare të OSBE-së në Porto, Portugali se Shqipëria po përjeton “dramë demografike” dhe “narkorritje ekonomike” nga viti 2014 deri 2024.
Ai njoftoi se 45?% e shqiptarëve kanë emigruar gjatë dekadës së fundit. “OKB e pranon se Shqipëria ka rënien më të madhe të lindshmërisë në botë”, tha Berisha, duke shtuar se lindshmëria është në nivelet e para 100 vjetësh.
Berisha akuzon qeverinë për formimin e “narkodiktaturës së parë dhe të vetme në Evropë.” Ai tha se rritja e ekonomisë me 3?% vjetore është “narkorritje” pasi prodhimi industrial dhe bujqësor janë në rënie, ndërsa sektori i ndërtimit – me objektet e reja në Tiranë – është në rritje të vazhdueshme. “Këto janë kulla të drogës dhe korrupsionit,” tha ai, duke paralajmëruar se këto fenomene kërcënojnë demokracinë dhe zgjedhjet.
