Jerusalem, 10 korrik 2025 – Dhjetëra kolonë izraelitë hynë të mërkurën në kompleksin e Xhamisë Al-Aksa në Jerusalemin Lindor të pushtuar, të shoqëruar nga policia izraelite. Dëshmitarë lokalë raportojnë se grupet kryen vizita provokuese dhe rituale fetare hebraike në oborrin e kompleksit të shenjtë, në kundërshtim me marrëveshjet ekzistuese ndërkombëtare.
Administrata e Vakëfeve Islame të Kudsit, e lidhur me Ministrinë e Vakëfeve të Jordanisë, dënoi incidentin, duke e cilësuar si një shkelje të sovranitetit islam mbi vendin e shenjtë. Sipas marrëveshjes së paqes Jordani-Izrael të vitit 1994, kujdesi mbi kompleksin e Al-Aksas i është besuar kësaj administrate.
Që nga viti 2003, kolonët izraelitë kanë hyrë rregullisht në vendin e shenjtë nën mbrojtjen e forcave të sigurisë izraelite, bazuar në një vendim të njëanshëm të autoriteteve izraelite. Ndërkohë, autoritetet palestineze kanë akuzuar Izraelin për kryerjen e gërmimeve në zonë, me pretendimin se aty ndodhen rrënojat e Tempullit të lashtë të Solomonit.
Pavarësisht pohimeve të qeverisë izraelite se po respektohet “status quo”-ja historike që lejon vetëm myslimanët të kryejnë adhurime në Al-Aksa, kolonët hebrenj janë kapur shpesh në kamera duke kryer rituale fetare brenda kompleksit.
