Bruksel – Komisionerja evropiane për Zgjerimin, Marta Kos, deklaroi se negociatat për anëtarësimin e Shqipërisë në Bashkimin Evropian po përparojnë me një ritëm të paparë. Në një fjalim në Parlamentin Evropian, ajo vlerësoi angazhimin e Shqipërisë dhe përmbushjen e disa momenteve kyçe në muajt e fundit.
Sipas Kos, përfshirja e të gjithë shoqërisë shqiptare do të jetë thelbësore për realizimin e qëllimit për mbylljen e negociatave deri në vitin 2027. Ajo theksoi rëndësinë e reformave në drejtësi dhe luftën kundër korrupsionit, duke e cilësuar përparimin e Shqipërisë në këto fusha si shumë të mirë.
Komisionerja konfirmoi se BE mbetet e përkushtuar ndaj zgjerimit dhe mbështet Shqipërinë përmes një procesi të bazuar në meritë.
