Tiranë – Komisioni Qendror i Zgjedhjeve, SPAK dhe Prokuroria e Përgjithshme kanë shqyrtuar së bashku 139 raste të dyshuara për krime zgjedhore, që përfshijnë presion ndaj administratës publike, përdorim të aseteve shtetërore dhe shitblerje votash.
Komisioneri Shtetëror i Zgjedhjeve, Ilirjan Celibashi, vlerësoi bashkëpunimin si të suksesshëm dhe kërkoi që ky model të institucionalizohet me ligj. Ai theksoi se rregullat e sjelljes së administratës publike gjatë fushatave duhet të ndryshojnë, përfshirë nivelet më të larta të qeverisë.
Hetimet vazhdojnë dhe priten rezultate në vijim.
