Pse ka rëndësi:
Vatrat e zjarrit në malin e Dukatit në Vlorë janë riaktivizuar pas 10 ditësh situatë kritike, duke rrezikuar një zonë me rëndësi të lartë natyrore. Për herë të parë këtë sezon, ndërhyrja ajrore po bëhet edhe nga avionët zjarrfikës të ardhur nga jashtë vendit.
Çfarë po ndodh:
- Dy avionë “Canadair” nga Greqia ndërhynë në Dukat pas kërkesës së Shqipërisë pranë Mekanizmit të Mbrojtjes Civile të BE-së.
- Italia dërgoi avionë zjarrfikës edhe në “Liqenin e Luleve”, në Parkun Kombëtar të Lurës.
- Në Rrëshen, zjarrfikësit dhe 60 efektivë të FA-ve po punojnë për shuarjen e flakëve në Shkopet dhe fshatin Lurth.
- Në Dishnicë, Gjirokastër, 50 forca ndodhen në terren për të izoluar një vatër të madhe që ka përfshirë pisha dhe ahishte.
Emergjencë kombëtare:
- Ministria e Mbrojtjes ka aktivizuar një plan kombëtar kundër zjarreve, me monitorim të pandërprerë të territorit dhe pozicionim strategjik të forcave.
- Ndërhyrja ajrore do të ketë prioritet në zonat e banuara dhe ato të mbrojtura natyrore.
- Shqipëria është në koordinim të plotë me BE-në për ndihmë shtesë në rast emergjencash.
