Pse ka rëndësi:
Kequshqyerja ekstreme dhe uria po përshkallëzojnë krizën humanitare në Gazë, ku mijëra fëmijë janë në rrezik serioz për jetën. Shifrat e fundit të OBSH-së dhe autoriteteve në Gaza tregojnë një situatë alarmante.
Çfarë po ndodh:
- OBSH: Gati 30 mijë fëmijë janë të kequshqyer vetëm në vitin 2025.
- Viktimat: Vetëm në 48 orët e fundit, 33 persona – përfshirë 12 fëmijë – kanë vdekur nga uria dhe kequshqyerja, duke e çuar numrin total në 101 vdekje, mes tyre 80 fëmijë.
- Peeperkorn (OBSH): “Pamë një fëmijë pesëvjeçar që dukej si dyvjeçar.”
- Mungesë furnizimesh: Letargjia dhe dobësia janë të përhapura mes popullsisë.
Sfondi i krizës:
- Konflikti: Që nga 7 tetori 2023, të paktën 59,029 persona janë vrarë në Gaza nga operacionet izraelite.
- Shtrëngimi: OKB raporton se 87.8% e Gazës është e mbuluar nga urdhra evakuimi ose është zonë e militarizuar, duke e detyruar popullsinë prej 2.1 milionë banorësh të përqendrohet në vetëm 46 km².
- Sulmet ndaj shpërndarjes së ushqimit: 1,026 persona janë vrarë që nga fillimi i shpërndarjes së ndihmave nga GHF më 27 maj, sipas Ministrisë së Shëndetësisë të Gazës.
Çfarë pritet:
- OKB dhe organizatat humanitare paralajmërojnë për një valë të re vdekjesh nga uria nëse ndihmat nuk rriten urgjentisht.
- OBSH dhe agjencitë ndërkombëtare kërkojnë qasje të pakufizuar humanitare.
