Pse ka rëndësi:
Prokuroria e Fierit dhe Policia lokale kanë goditur një skemë abuzimesh me taksat dhe tarifat vendore në Bashkinë Fier, duke vënë në pranga dhe pezulluar disa zyrtarë të lartë.
Çfarë po ndodh:
- Ish-nënkryetarja e bashkisë, Adela Hysenaj, u vendos në arrest shtëpie për “shpërdorim detyre” dhe “ushtrim të ndikimit të paligjshëm”.
- Në arrest shtëpie është vendosur edhe Vasil Ceku, drejtor në Drejtorinë e Verifikimit dhe Koordinimit në Terren, për “shpërdorim detyre”.
- Anisa Cjapi (Drejtoresha e Taksave dhe Tarifave Vendore) dhe Martin Dodi (Sekretar i Përgjithshëm i Bashkisë) u pezulluan nga detyra; Dodi ka edhe ndalim të daljes jashtë shtetit.
Afera:
- Zyrtarët dyshohet se kanë abuzuar me të ardhurat e bashkisë duke mos arkëtuar rreth 40 milion lekë nga parkimi nëntokësor.
- Përmes shpërdorimit të detyrës, ata kanë ulur në mënyrë të paligjshme taksat për subjekte të ndryshme tregtare, kundrejt përfitimeve.
Çfarë pritet:
Hetimet e nisura prej muajsh pritet të zgjerohen ndaj subjekteve dhe zyrtarëve të tjerë të përfshirë në këtë skemë.
Rreth autorit
