Presidenti i SHBA, Donald Trump, nënshkroi një urdhër ekzekutiv për tarifa të reja mbi importet nga 68 vende dhe Bashkimi Evropian. Masat hyjnë në fuqi më 7 gusht.
Tarifa ndaj Kanadasë rritet nga 25% në 35%. Shumica e produkteve kanadeze përjashtohen për shkak të një marrëveshjeje ekzistuese. Në urdhër thuhet se Kanadaja nuk ka bashkëpunuar në ndalimin e fentanilit.
Një ditë më parë, Trump tha se arritja e një marrëveshjeje tregtare me Kanadanë do të jetë e vështirë, pasi autoritetet kanadeze paralajmëruan njohjen e Palestinës si shtet në shtator.
Ndër vendet e prekura janë: Siria me tarifë 41%, Laosi dhe Mianmari me nga 40%, Libia me 30%, Iraku me 35%, Sri Lanka me 20% dhe Lesoto me 15%.
Tarifat do të aplikohen pas shtatë ditësh për të mundësuar harmonizimin teknik, sipas një zyrtari të lartë që foli në kushte anonimiteti.
Kompanitë importuese do të paguajnë taksat; ekspertët paralajmërojnë se kostoja mund të kalojë te konsumatorët.
