Një minutë heshtje u mbajt sot në Hiroshima, në orën 08:15, saktësisht 80 vjet pas hedhjes së bombës atomike nga SHBA më 6 gusht 1945, që vrau rreth 140,000 njerëz. Ceremonia përkujtimore mblodhi përfaqësues nga mbi 120 vende dhe rajone.
Tre ditë pas Hiroshimës, një bombë e dytë goditi Nagasakin, duke vrarë 74,000 persona dhe përshpejtoi fundin e Luftës së Dytë Botërore. Hiroshima i bëri thirrje botës për çarmatimin bërthamor, mes tensioneve globale dhe rritjes së arsenaleve.
“Disa udhëheqës e shohin armën bërthamore si të nevojshme – kjo është e rrezikshme,” paralajmëroi kryebashkiaku Kazumi Matsui. Ai ftoi Donald Trump për një vizitë reflektimi në qytet.
Kryeministri japonez Shigeru Ishiba deklaroi: “Si vendi i vetëm që ka përjetuar sulme bërthamore, Japonia ka një detyrë historike për të udhëhequr rrugën drejt një bote pa armë të tilla.”
