Kryeministri në detyrë i Kosovës, Albin Kurti, zhvilloi sot një takim me emisarin e BE-së për dialogun Kosovë–Serbi, Peter Sorensen, ku u diskutua gjendja në veri të vendit dhe hapat drejt zbatimit të Marrëveshjes së Ohrit.
Kurti informoi për politikat e punësimit dhe mbështetjen për komunat me shumicë serbe, ndërsa ngriti shqetësimin për kërcënimet nga Beogradi dhe arrestimet e qytetarëve kosovarë gjatë kalimit në Serbi.
Sorensen theksoi se situata aktuale politike mund të ndikojë në ritmin e dialogut, duke e konsideruar takimin pjesë të angazhimeve të tij të rregullta në kuadër të mandatit evropian.
