Shqipëria shprehu solidaritet me Turqinë pas tërmetit me magnitudë 6.1 që goditi më 10 gusht provincën Balikesir. Ministria për Evropën dhe Punët e Jashtme tha në një mesazh në rrjetet sociale se “qëndron e bashkuar me popullin e Turqisë”, duke uruar shërim të shpejtë për të lënduarit.
Sipas Agjencisë turke për Menaxhimin e Fatkeqësive (AFAD), tërmeti kishte thellësi 11 km dhe epiqendër në rrethin S?nd?rg?, në Turqinë perëndimore. Ministri i Brendshëm Ali Yerlikaya njoftoi se një 81-vjeçar humbi jetën dhe 29 persona u plagosën, asnjëri në rrezik jete.
Vlerësimet fillestare tregojnë se 16 ndërtesa në 68 lagje u shembën nga lëkundjet. Shqipëria rikonfirmoi mbështetjen “e palëkundur” për Turqinë gjatë kësaj periudhe të vështirë.
