Një projektligj parashikon lidhjen e Qendrës Kombëtare të Biznesit me sistemin evropian BRIS dhe përfshirjen e kërkesave të reja të BE-së në regjistrimin tregtar, duke synuar procedura plotësisht digjitale dhe transparencë më të lartë për investitorët.
Nisma mundëson shkëmbim elektronik të të dhënave me regjistrat e BE-së, përdorimin e identifikimit elektronik të lëshuar nga vendet anëtare dhe akses të menjëhershëm në ndryshimet e statusit të shoqërive (p.sh. falimentim, likuidim). Parashikohen edhe njoftime të ndërsjella për degët e huaja dhe ndalimi i personave të papërshtatshëm për funksione drejtuese.
Ligji synon përmbushjen e objektivave të Kapitullit 6 të negociatave dhe përmirësimin e klimës së biznesit. Zbatimi do të nisë 12 muaj pas miratimit, me kosto rreth 10 milionë lekë në tre vitet e para, të mbuluara nga buxhetet ekzistuese dhe asistenca ndërkombëtare.
Rreth autorit
