Protesta kundër qeverisë u zhvilluan në dhjetëra qytete të Serbisë nën moton “Serbi, zgjohu”, me përplasje mes protestuesve dhe forcave të sigurisë në Beograd dhe Novi Sad; u raportuan të plagosur si policë ashtu edhe qytetarë.
Në Beograd, protestuesit hodhën objekte drejt policisë dhe xhandarmëria u përgjigj me gaz lotsjellës. Në Novi Sad, pranë zyrave të Partisë Progresiste Serbe, u shënuan incidente ku një oficer policie mbeti i plagosur.
Ministria e Brendshme tha se të paktën gjashtë policë dhe disa qytetarë u lënduan; ministri Ivica Daçiç paralajmëroi ndëshkime për aktet e dhunës. Lëvizja, e nisur mbi tetë muaj më parë nga studentët pas një ngjarjeje tragjike në Novi Sad, tashmë përfshin kërkesa më të gjera politike e sociale.
Rreth autorit
