Agroindustria shqiptare u rrit me 12,3% në gjysmën e parë të vitit 2025 krahasuar me një vit më parë, sipas ministres së Bujqësisë Anila Denaj. Vetëm në këtë periudhë, Shqipëria eksportoi 75 mijë tonë produkte agroindustriale.
Qeveria po mbështet sektorin me politika dhe subvencione për të forcuar prodhimin dhe përpunimin e ushqimeve, nga mielli dhe qumështi deri te vaji, vera dhe mishi. Investimet e viteve të fundit kanë shtuar bizneset, punësimin dhe të ardhurat.
Sipas INSTAT, trendi i rritjes së eksporteve agrobujqësore është i qëndrueshëm, duke e shndërruar agroindustrinë në një motor të rëndësishëm për zhvillimin rural dhe ekonomik të vendit.
