Komisionerja për Zgjerim e Bashkimit Evropian, Marta Kos, zhvillon sot vizitën e parë zyrtare në Kosovë që prej marrjes së detyrës.
Kos pritet të takohet me ushtruesen e detyrës së presidentes, Albulena Haxhiu, në orën 10:00.
Më pas, në orën 10:45, ajo do të zhvillojë takim edhe me kryeministrin në detyrë, Albin Kurti.
Vizita vjen në një moment të rëndësishëm për raportet e Kosovës me Bashkimin Evropian dhe procesin e integrimit evropian.
Kjo është vizita e parë zyrtare e Kos në Kosovë si komisionere për zgjerim, detyrë që e mori në vitin 2024.
Ajo kishte planifikuar të vizitonte Kosovën më 12 mars, por udhëtimi u anulua për shkak të zhvillimeve politike në vend.
Rreth autorit
