TIRANË, 28 tetor — Buxheti i shtetit shënoi një tepricë prej 70.3 miliardë lekësh në periudhën janar–shtator 2026, rreth 45 miliardë lekë më shumë se plani për nëntëmujorin.
Sipas të dhënave paraprake të Ministrisë së Financave, të ardhurat arritën në 626.6 miliardë lekë, ndërsa shpenzimet e përgjithshme në 556.3 miliardë lekë. Diferenca mes tyre krijoi tepricën buxhetore.
Mosrealizimi i shpenzimeve, veçanërisht i investimeve publike, ndikoi në rritjen e tepricës kundrejt planit. Nga 83.5 miliardë lekë investime kapitale të parashikuara deri në shtator, u shpenzuan 62.8 miliardë lekë, ose 75.2% e planit.
Pra, rreth një e katërta e fondeve kapitale të planifikuara për nëntëmujorin nuk u përdor. Ministria raporton se shpenzimet publike në tërësi arritën 92.8% të planit të periudhës.
Të dhënat vijnë ndërsa qeveria po diskuton projektbuxhetin dhe paketën fiskale për vitin 2027.
Rreth autorit
