PRISHTINË, 5 nëntor – Inspektorati Policor i Kosovës ka rekomanduar pezullimin nga detyra të drejtorit të prokurimit në Policinë e Kosovës, ndaj të cilit po zhvillohet hetim paraprak.
Hetimi lidhet me dyshimet për keqpërdorim të pozitës zyrtare dhe konflikt interesi. Inspektorati po shqyrton mënyrën e lidhjes së dhjetëra kontratave përmes procedurave të negociuara dhe konfidenciale.
Rekomandimi për pezullim vlen për periudhën e hetimit, i cili po zhvillohet në bashkëpunim me Prokurorinë Speciale.
Rekomandimi nuk përbën vendim përfundimtar dhe dyshimet do të shqyrtohen nga organet kompetente.
Rreth autorit
