TIRANË, 11 nëntor – Prokuroria e Posaçme dhe Byroja Kombëtare e Hetimit kanë 119 pozicione të paplotësuara, ndërsa kërkojnë më shumë personel për hetimet e korrupsionit dhe krimit të organizuar.
Gjatë raportimit në Kuvend për buxhetin e vitit 2027, përfaqësuesit e SPAK-ut thanë se nga 339 pozicione të miratuara janë plotësuar 220.
Nga vendet bosh, 94 janë në BKH dhe 25 në Prokurorinë e Posaçme. Institucionet kanë kërkuar shtimin e 25 pozicioneve të tjera dhe kanë nisur procedurat për rekrutimin e 40 hetuesve.
Për vitin 2027 është parashikuar buxhet prej 2.3 miliardë lekësh, ndërsa nevojat e paraqitura nga SPAK-u arrijnë në 2.5 miliardë lekë.
Përfaqësuesit thanë se plotësimi i vendeve kërkon kohë për shkak të testimeve dhe verifikimit të kandidatëve.
Rreth autorit
