Tensionet brenda Partisë Demokratike po rriten, ndërsa zërat kritikë ndaj Sali Berishës forcohen. Pas akuzave për manipulim zgjedhjesh me të ashtuquajturin “treni bullgar”, avokati Idajet Beqiri reagoi ashpër, duke e cilësuar pretendimin si një sajesë politike për të zgjatur krizën brenda PD-së dhe për të ruajtur me çdo kusht kontrollin e partisë.
Avokati Idajet Beqiri e quajti “fantazi në kokën e Berishës” pretendimin për manipulim votash më 11 maj me të ashtuquajturin “treni bullgar”, duke akuzuar liderin historik të PD-së për zvarritje të procesit dhe mbajtje të dhunshme të drejtimit të partisë.
“Nuk është asgjë tjetër veçse një pjellë për të shtyrë vulosjen e rezultatit,” tha Beqiri për ABC News. Sipas tij, Berisha kërkon të zgjasë qëndrimin në krye të PD-së për të mbrojtur veten dhe familjen e tij nga pasojat ligjore.
Rreth autorit
