Kryeministri Edi Rama ka reaguar ndaj deklaratës së deputetit britanik Nigel Farage, i cili pretendoi se “1 në 48 shqiptarë në Britani janë në burg”. Përmes një postimi në platformën X, Rama e quajti deklaratën e Farage “të pavërtetë, të shtrembëruar dhe pjesë të një retorike politike post-Brexit”.
Rama theksoi se numri real i shqiptarëve në Britaninë e Madhe është afërsisht 140,000, duke e rrëzuar pretendimin për një shkallë të lartë kriminaliteti. Ai kujtoi se vetë burimi i Farage, “The Telegraph”, kishte pranuar më pas që vlerësimet kishin qenë të pasakta.
“Shqiptarët nuk janë një statistikë për t’u shtrembëruar. Ata janë pjesë e shoqërisë britanike,” shkroi Rama, duke theksuar se vetëm një përqindje shumë e vogël është në konflikt me ligjin.
Kreu i qeverisë shqiptare i bëri ftesë publike Farage për të vizituar Shqipërinë si “i ftuar nderi”, për të parë nga afër realitetin dhe për të ndarë “diell, mikpritje dhe fakte”.
Rreth autorit
