Presidenti i Ukrainës, Volodymyr Zelensky, ka deklaruar se takimi i tij me presidentin amerikan Donald Trump, në kuadër të samitit të NATO-s në Hagë, ishte konstruktiv dhe i përqendruar në çështje kyçe të sigurisë dhe mbrojtjes.
Në një deklaratë për media, Zelensky tha se diskutimet përfshinë gjendjen në Lindjen e Mesme, mbrojtjen e popullit ukrainas dhe blerjen e sistemeve amerikane të mbrojtjes ajrore. “Diskutuam mbrojtjen e qyteteve tona, kishave dhe infrastrukturës përmes sistemeve të avancuara amerikane,” theksoi ai.
Zelensky informoi gjithashtu presidentin Trump për zhvillimet në bisedimet mes delegacioneve ukrainase dhe ruse në Stamboll, përfshirë shkëmbimet e të burgosurve të luftës dhe trupat e ushtarëve të rënë. Ai veçoi faktin që Rusia ka kthyer trupat e ushtarëve të saj të rënë në Ukrainë.
Duke folur për situatën në terren, Zelensky tha se “Putini nuk po fiton” dhe se i paraqiti homologut amerikan të dhëna konkrete mbi zhvillimet aktuale në fushëbetejë. Ai theksoi rëndësinë e veprimeve të fundit të SHBA-së në Iran, të cilat sipas tij kanë ndikuar në dobësimin e programit bërthamor iranian dhe prodhimit të dronëve.
Rreth autorit
