Pse ka rëndësi:
Kryeministri Edi Rama ka njoftuar një reformë të gjerë territoriale, që përfshin masa drastike për lirimin e hapësirave publike, penalizimin e ndërtuesve abuzues dhe konfiskimin e objekteve të braktisura.
Çfarë po ndodh:
- Rilindja Urbane 2.0: Nis aksioni për lirimin e hapësirave publike në Tiranë, Durrës, Shkodër dhe qytete të tjera.
- Inventari i problemeve: Vetëm në Tiranë janë identifikuar 1,463 raste problematike me hapësirat publike.
- Dy faza të reformës:
- Faza 1: Akte normative urgjente për territorin, ujin e pijshëm dhe menaxhimin e mbetjeve.
- Faza 2: Rishikim i plotë i ligjeve për ndërtimin dhe menaxhimin urban.
“Lista e zezë” për ndërtuesit:
- Ndërtuesit që shkelin lejet, mashtron blerësit ose bëjnë shitje të dyfishta do të penalizohen dhe nuk do të marrin më leje ndërtimi.
- Rama paralajmëron masa “drastike” për kompanitë që nuk zgjidhin shpejt problemet.
Dënime për hapësirat publike:
- Bllokimi i rrugëve apo hapësirave mes pallateve do të konsiderohet vepër penale.
- Ligji për bashkëpronësinë do të ndryshohet për të zgjidhur konfliktet e pronësisë rreth ndërtimeve.
Konfiskimi i ndërtimeve:
- Objektet e braktisura që nga vitet ’90 dhe ato me shkelje të lejeve mbi 2% do të kalojnë në pronësi të shtetit.
- Rama: “Sekuestrim i menjëhershëm i çdo ndërtimi që ka kaluar kufirin e tolerancës.”
Rreth autorit
