Një seri zjarresh shpërthyen në disa rajone të Greqisë mes një vale të nxehti që ka përfshirë vendin prej fillimit të javës.
Në prefekturën Lasithi të Kretës lindore, një zjarr i fuqishëm ka detyruar autoritetet të evakuojnë banorët e zonave Agia Fotia, Achlia, Galini dhe Ferma drejt qytetit të Ierapetrës. Sipas transmetuesit publik ERT, dhjetëra zjarrfikës dhe mjete ajrore janë të angazhuar në përpjekje për të frenuar flakët, veçanërisht në një zonë me prani hotelesh.
Pamje të publikuara nga mediat lokale tregojnë se zjarri ka avancuar deri në afërsi të vijës bregdetare.
Zjarre të tjera janë regjistruar në ishullin Cerigo dhe në zonën Vourvourou të Halkidikit, me të fundit që është vendosur nën kontroll.
Rreth autorit
