Banka Evropiane për Rindërtim dhe Zhvillim (BERZH) do të japë një kredi sovrane prej 30 milionë eurosh për rindërtimin dhe elektrifikimin e linjës hekurudhore Durrës–Rrogozhinë. Projekti përfshin 34 km hekurudhë dhe do të modernizojë një pjesë kyçe të Korridorit VIII Pan-Evropian.
Ministri i Financave, Petrit Malaj, e cilësoi projektin si një “moment historik transformues” për infrastrukturën kombëtare. Drejtuesi i BERZH-it, Donald Mishaxhiu, theksoi rëndësinë e investimit për ndërtimin e një rrjeti transporti modern dhe të qëndrueshëm.
Linja Durrës–Rrogozhinë do të jetë lidhja e parë hekurudhore e Shqipërisë me Maqedoninë e Veriut, duke ndihmuar në integrimin rajonal dhe zvogëlimin e emetimeve të karbonit. Investimi është pjesë e Planit Ekonomik të BE-së për Ballkanin Perëndimor.
Rreth autorit
