Ministri izraelit i Mbrojtjes, Israel Katz, paralajmëroi se Qyteti i Gazës do të shkatërrohet nëse Hamasi nuk çarmatoset, nuk liron pengjet izraelite dhe nuk pranon kushtet e Izraelit për t’i dhënë fund luftës.
Ai tha se Gaza mund të ketë fatin e Rafahut dhe Beit Hanunit, të shkatërruara më herët nga operacionet izraelite.
Deklarata e tij pasoi atë të kryeministrit Benjamin Netanyahu, i cili njoftoi nisjen e menjëhershme të negociatave për lirimin e pengjeve, paralelisht me operacionin ushtarak për marrjen e kontrollit të qytetit.
“Mposhtja e Hamasit dhe lirimi i pengjeve shkojnë së bashku,” tha Netanyahu, pa dhënë hollësi mbi fazën e re të bisedimeve.
Rreth autorit
