Presidentja e Kosovës, Vjosa Osmani, priti Drejtorin për Ballkanin Perëndimor në MPJ të Gjermanisë, Michael Reiffenstuel, për të diskutuar zhvillimet në vend dhe rajon, përfshirë konstituimin e parlamentit, njoftoi Zyra e Presidentes.
Palët folën për forcimin e marrëdhënieve dypalëshe, bashkëpunimin ekonomik dhe rritjen e profilit ndërkombëtar të Kosovës. Osmani konfirmoi gatishmërinë për bashkëpunim të thellë me Qeverinë e Kancelarit Merz dhe e quajti Gjermaninë shtyllë strategjike për stabilitetin rajonal dhe kursin euroatlantik të Kosovës.
Osmani kërkoi mbështetje të vazhdueshme të Berlinit për anëtarësimin e Kosovës në Këshillin e Evropës dhe avancimin drejt NATO-s, duke theksuar ndikimin në sigurinë afatgjatë të rajonit.
Lidhur me dialogun me Serbinë, ajo kërkoi qartësi strategjike, afate të përcaktuara dhe objektiva të qarta, duke përsëritur se normalizimi nënkupton njohje reciproke dhe respektim të integritetit territorial e rendit kushtetues të Kosovës. Osmani po ashtu kërkoi heqjen e masave të konsideruara të padrejta, ku Berlini mund të luajë rol kyç.
Rreth autorit
