Presidenti ukrainas Volodymyr Zelensky tha se të hënën do të takohet me presidentin amerikan Donald Trump në Washington për të diskutuar hollësitë e një marrëveshjeje paqeje.
Njoftimi vjen pasi Zelensky zhvilloi një telefonatë “të gjatë dhe thelbësore” me Trump, që zgjati mbi një orë e gjysmë. “Ukraina riafirmon gatishmërinë për të punuar me përpjekje maksimale për paqen,” tha Zelensky, duke shtuar se e mbështet idenë e një takimi trepalësh SHBA–Rusi–Ukrainë.
Trump e informoi Zelenskyn mbi samitin e tij me Vladimir Putinin në Alaskë, ku të dy udhëheqësit folën për “përparime” por nuk arritën një marrëveshje. Presidenti rus e quajti takimin një “pikënisje për zgjidhjen e konfliktit”, ndërsa Trump paralajmëroi se “ende nuk ka marrëveshje derisa të ketë marrëveshje”.
Zelensky tha se është e rëndësishme që Evropa të përfshihet në çdo fazë për garanci të besueshme sigurie, së bashku me SHBA.
Rreth autorit
