Qeveria e Maqedonisë së Veriut ka vendosur uljen e TVSH-së për karburantet dhe lirimin e rezervave të mazutit, për të frenuar rritjen e çmimeve.
Vendimi u mor në një mbledhje të posaçme, ndërsa është shpallur edhe gjendje krize në të gjithë vendin.
TVSH-ja për derivatet e naftës do të ulet nga 18 në 10 për qind për dy javë, duke sjellë një ulje të çmimeve me rreth 6 deri në 7 denarë për litër.
Kryeministri Hristijan Mickoski tha se masat synojnë mbrojtjen e qytetarëve dhe bizneseve nga rritja e kostove.
Ai paralajmëroi kontrolle të shtuara në treg dhe masa ndaj abuzimeve me çmimet.
Zhvillimet vijnë në një kohë tensioni në tregjet globale të energjisë, pas përshkallëzimit të krizës në Lindjen e Mesme.
Rreth autorit
