Sali Berisha mbetet kandidati i vetëm për kreun e PD-së, ndërsa afati për dorëzimin e kandidaturave mbyllet sot në mesditë.
Deri në skadim të afatit, asnjë tjetër nuk ka depozituar dokumente pranë Komisionit të Zgjedhjeve në parti për të hyrë në garën e 23 majit.
Udhëzimi i publikuar përcakton se kandidatët duhet të kenë të paktën 10 vite angazhim në PD, profil të lartë publik dhe eksperiencë drejtuese në nivel kombëtar ose rajonal.
Një nga kriteret kyçe është edhe ligji i dekriminalizimit, që mund të ndikojë kandidatë të mundshëm si Ervin Salianji, i cili kishte shprehur ambicien për të sfiduar Berishën.
Gara për kryetar zhvillohet më 23 maj.
Rreth autorit
