Muzetë, parqet arkeologjike dhe institucionet e tjera të trashëgimisë kulturore në Shqipëri pritën mbi 1.5 milionë vizitorë në vitin 2025, 15.9% më shumë se një vit më parë.
Sipas INSTAT-it, numri i vizitorëve arriti në 1,523,587 persona.
Në institucionet qendrore të artit u organizuan 1,272 shfaqje dhe premiera, të ndjekura nga 171,607 spektatorë.
Gjatë vitit 2025 u zhvilluan edhe 314 aktivitete kulturore me pjesëmarrje ndërkombëtare.
Këto aktivitete tërhoqën 261,654 pjesëmarrës.
Në Shqipëri morën pjesë 428 artistë të huaj. Pjesën më të madhe e zunë artistët nga Arabia Saudite, Kosova dhe Italia.
Në vitin akademik 2025-2026, në programet e studimit të lidhura me kulturën u regjistruan 16,111 studentë.
Fusha më e ndjekur ishte “Arkitekturë dhe Ndërtim”, me 6,119 studentë.
Sipas INSTAT-it, në aktivitetet dhe profesionet e lidhura me kulturën ishin të punësuar 33,893 persona, ose 3% e totalit të të punësuarve në vend.
Çmimet e librave u rritën me 2.9% krahasuar me një vit më parë.
Shpenzimet publike për argëtim, kulturë dhe çështje fetare përbënin 1.65% të shpenzimeve publike gjithsej dhe 0.50% të Prodhimit të Brendshëm Bruto.
Rreth autorit
