PRESHEVË, 9 nëntor – Lista e udhëhequr nga Enkel Rexhepi ka siguruar 10 nga 29 mandatet e Këshillit Kombëtar Shqiptar, sipas rezultateve paraprake të zgjedhjeve të së dielës në Serbi.
Koalicioni i Partisë për Veprim Demokratik dhe Aleancës për Luginën mori 4,769 vota.
Deputeti shqiptar në Parlamentin e Serbisë, Shaip Kamberi, tha se lista ka dalë e para dhe do të nisë bisedimet për formimin e drejtimit të ri të Këshillit.
Ky institucion merret me arsimin, kulturën, informimin dhe përdorimin zyrtar të gjuhës shqipe në Preshevë, Bujanoc dhe Medvegjë.
Rezultatet përfundimtare ende nuk janë shpallur.
Rreth autorit
