Presidenti amerikan Donald Trump e lidhi hapur emigracionin me kriminalitetin në fjalimin e tij në Sesionin e 80-të të Asamblesë së Përgjithshme të OKB-së në Nju Jork. Ai citoi shifra evropiane për përqindjen e të huajve në burgje dhe kërkoi “t’i jepet fund eksperimentit të dështuar të kufijve të hapur”.
Trump përmendi se “në Gjermani gati 50% e të burgosurve janë të huaj, në Austri 53%, në Greqi 54% dhe në Zvicër 72%”, duke iu referuar të dhënave të Këshillit të Evropës.
Raporti zyrtar “SPACE I – Prisons in Europe 2024” konfirmon nivele shumë të larta të të burgosurve të huaj në disa vende: Zvicër 72%, Greqi 54%, Austri 53%, Gjermani 49%.
Burime greke shtojnë se rreth 55% e të burgosurve në Greqi janë shtetas të huaj, me përbërje kryesisht nga Shqipëria, Algjeria, Pakistani, Turqia, Gjeorgjia dhe Afganistani. Të dhëna të pavarura japin për Greqinë 54.1% më 31 janar 2024.
Deklaratat e Trump nxitën kundërpërgjigje dhe verifikime faktesh, teksa media kryesore raportuan për tonin e ashpër ndaj emigracionit dhe thirrjet për mbyllje kufijsh.
Rreth autorit
