Fatos Nano, ish-kryeministër i Shqipërisë dhe themelues i Partisë Socialiste, është ndarë nga jeta në moshën 73-vjeçare pas një sëmundjeje të gjatë. Ditët e fundit gjendja e tij shëndetësore ishte rënduar ndjeshëm.
Nano ka lënë pas bashkëshorten, Xhoana Nano, dhe dy fëmijët, Sokolin dhe Edlirën. Ai drejtoi qeverinë shqiptare në tranzicionin pas rënies së komunizmit dhe mori drejtimin e Partisë Socialiste që nga themelimi i saj në vitin 1991, të cilën më vonë ia dorëzoi Edi Ramës.
I burgosur politik në fillim të viteve ’90, Nano u rikthye në pushtet duke fituar zgjedhjet e vitit 1997 ndaj Sali Berishës. Ai shërbeu si deputet deri në vitin 2009 dhe njihej për formimin e tij të thellë në ekonomi.
Nano mbante titujt akademikë “Profesor Doktor” dhe “Doktor Honoris Causa” nga universitete në Milano dhe Bari.
