Ambasada e SHBA-së në Tiranë njoftoi se muajin e kaluar Zëvendës Shefja e Misionit, Kathryn Hammond, i dorëzoi Autoritetit Kombëtar për Sigurinë Kibernetike pajisje të avancuara për mbrojtjen e rrjeteve.
Sipas ambasadës, kjo është një tjetër hap në mbështetjen e vazhdueshme që SHBA i jep Shqipërisë për forcimin e sigurisë kibernetike, një element thelbësor i mbrojtjes kombëtare në epokën digjitale. Pajisjet synojnë rritjen e kapaciteteve ndaj kërcënimeve kibernetike, jo vetëm në nivel kombëtar, por edhe rajonal dhe brenda NATO-s.
Ambasada theksoi se Shtetet e Bashkuara do të vijojnë të mbështesin Shqipërinë në fushën e sigurisë dhe mbrojtjes kibernetike.
