Sot shënohet 8 Dhjetori, Dita Kombëtare e Rinisë, që kujton lëvizjen studentore të vitit 1990. Studentët dhe pedagogët e universiteteve të Tiranës nisën atëherë protestat paqësore që i dhanë fund sistemit komunist dhe hapën rrugën e demokracisë.
Me thirrjen “E duam Shqipërinë si gjithë Evropa”, ata kërkuan pluralizëm politik, shtet të së drejtës dhe orientim perëndimor. Lëvizja e 8 Dhjetorit mbetet e vetmja lëvizje paqësore që ndryshoi historinë e vendit dhe sot konsiderohet një vlerë e përbashkët kombëtare.
