Kryeministri Edi Rama po zhvillon një vizitë zyrtare në Aman, ku u prit me ceremoni të veçantë nga Mbreti Abdullah II i Jordanisë. Rama publikoi pamje nga takimi, ku shihet së bashku me mbretin dhe princin e Kurorës, Hussein bin Abdullah II.
Gjatë vizitës, kryeministri e vlerësoi Abdullahun II si një monark me reputacion të gjerë ndërkombëtar dhe mik të Shqipërisë. Takimi në Aman konfirmon partneritetin e ngushtë mes dy vendeve dhe vullnetin për të thelluar bashkëpunimin rajonal, diplomatik dhe ekonomik.
