Kreu i grupit parlamentar të Partisë Socialiste, Taulant Balla, reagoi mbrëmë ndaj protestës së Partisë Demokratike para Kryeministrisë, duke e krahasuar me një “dasmë që po shkon si mos më keq”. Në një postim në rrjetet sociale, ai tha se edhe pse tubimi u zhvillua në 8 Dhjetor, numri i pjesëmarrësve është zvogëluar nga protesta në protestë.
Balla ironizoi gjithashtu deklaratat e Sali Berishës për rolin e Gjeneratës Z, duke u shprehur me sarkazëm: “Më thoni një emër që fillon me këtë shkronjë”. Ai kujtoi edhe një shprehje të humoristit Besnik Çinari, duke thënë se pjesëmarrja “sa një dasmë në Shkodër” tregon gjendjen e PD-së.
Rreth autorit
