Kryeministri Edi Rama akuzoi dje Shoqatën e Gjyqtarëve se po kërkon rritje pagash përmes Gjykatës Kushtetuese, duke anashkaluar qeverinë dhe parlamentin. Ai tha se magjistratët kërkojnë 1600 euro shtesë, ndërsa gjyqtarët e posaçëm deri në 3100 euro mbi pagën aktuale. Rama paralajmëroi se kjo përbën rrezik për balancën mes pushteteve dhe se vendimet e fundit të gjykatave cenojnë pavarësinë e ekzekutivit.
Shoqata e Gjyqtarëve reagoi ashpër, duke e akuzuar kryeministrin për presion politik ndaj drejtësisë dhe duke theksuar se pavarësia gjyqësore është gur themeli i shtetit të së drejtës.
Polemika vjen pas pezullimit të zv/kryeministres Belinda Balluku, çështje që Rama e ka çuar në Gjykatën Kushtetuese.
