Klodian Braho u zgjodh sot drejtues i Prokurorisë së Posaçme, me 7 vota të Këshillit të Lartë të Prokurorisë. Ai merr detyrën pas përfundimit të mandatit të Altin Dumanit më 18 dhjetor. Adnan Xholi mori 3 vota, Elvin Gokaj 1, ndërsa Doloreza Musabelliu asnjë.
Me 18 vite eksperiencë dhe si drejtues i Seksionit Kundër Korrupsionit, Braho është autor i disa prej dosjeve kryesore, mes tyre konfiskimi i 18.4 milionë eurove në 2023—shumë sa dyfishi i buxhetit vjetor të SPAK.
Në prezantimin e tij, ai premtoi forcimin e BKH-së, ngritjen e një sektori të ri analize dhe konsolidimin e SPAK, duke theksuar se “askush nuk është mbi ligjin”. Në seancë ishin të pranishëm edhe diplomatët e SHBA, BE dhe Britanisë. Braho do të drejtojë institucionin për një mandat trevjeçar, pa të drejtë rizgjedhjeje.
Rreth autorit
