Opozita iu rikthye mbrëmjen e djeshme tubimeve të tipit “Foltore” në bulevardin “Dëshmorët e Kombit”, ku kryetari i Partisë Demokratike, Sali Berisha, deklaroi se protestat do të vijojnë pa ndërprerje deri në largimin e asaj që e quajti “binomi i korrupsionit” Rama–Balluku.
Duke folur para mbështetësve, Berisha tha se opozita do të qëndrojë në shesh për të mbajtur gjallë presionin qytetar dhe akuzoi qeverinë për korrupsion dhe përçmim ndaj qytetarëve. Ai theksoi se protestat synojnë të krijojnë një komunikim të drejtpërdrejtë me publikun dhe të nxisin angazhim për ndryshim politik, duke kërkuar reforma të thella në qeverisje, arsim dhe mbështetje për familjet.
