Kryetari i Komisionit për Nismat Qytetare dhe Mbikëqyrjen Institucionale, Fatmir Xhafaj, tha se vizitat monitoruese në institucionet e drejtësisë janë një praktikë e konsoliduar parlamentare dhe nuk përbëjnë ndërhyrje në pavarësinë e tyre.
Ai sqaroi se deputetët kanë zhvilluar vizita në 16 gjykata e prokurori dhe në disa institucione të ekzekutivit për të identifikuar probleme të infrastrukturës, sigurisë dhe ngarkesës së punës. Sipas tij, procesi lidhet me kërkesën e Këshillit të Lartë Gjyqësor për rritjen e sigurisë, pas vrasjes së një gjyqtari një vit më parë.
Xhafaj theksoi se komisioni vepron brenda kuadrit kushtetues dhe ligjor, pa vlerësuar çështje konkrete, dhe paralajmëroi se në fund të procesit do të miratohet një rezolutë me masa dhe rekomandime konkrete për forcimin e sigurisë dhe përmirësimin e shërbimit të drejtësisë.
Rreth autorit
